Maharashtra Women Prisoners: ਮਹਾਰਾਸ਼ਟਰ ਵਿੱਚ ਮਹਿਲਾ ਕੈਦੀ ਅਤੇ ਖੁੱਲੀ ਜੇਲ੍ਹ ਦੇ ਕੈਦੀਆਂ ਲਈ ਇੱਕ ਖੁਸ਼ਖਬਰੀ, ਹੁਣ ਆਪਣੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਨੂੰ ਵੀਡੀਓ ਕਾਲ ਕਰ ਸਕਦੇ ਹਨ। ਰਾਜ ਸਰਕਾਰ ਦੇ ਜੇਲ੍ਹ ਵਿਭਾਗ ਦੇ ਉੱਚ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀ ਨੇ ਦਾਅਵਾ ਕੀਤਾ ਕਿ ਦੇਸ਼ ਵਿੱਚ ਕੈਦੀਆਂ ਲਈ ਇਹ ਪਹਿਲੀ ਵਾਰ ਹੋਵੇਗਾ। ਅਧਿਕਾਰੀ ਨੇ ਦੱਸਿਆ ਕਿ ਪਹਿਲ ਦੇ ਤਹਿਤ ਜੇਲ੍ਹ ਵਿਭਾਗ ਨੇ ਮਹਿਲਾ ਜੇਲ੍ਹਾਂ ਅਤੇ ਖੁੱਲੀ ਜੇਲ੍ਹ ਵਿੱਚ ਬੰਦ ਕੈਦੀਆਂ ਲਈ ਸਮਾਰਟ ਵੀਡੀਓ ਕਾਲਿੰਗ ਦੀ ਸਹੂਲਤ ਸ਼ੁਰੂ ਕੀਤੀ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੈਦੀ ਪੰਜ ਮਿੰਟ ਲਈ ਆਪਣੇ ਪਰਿਵਾਰ ਦੇ ਮੈਬਰਾਂ ਨਾਲ ਗੱਲ ਕਰ ਸਕਦੇ ਹਨ ਅਤੇ ਇਸ ਸੇਵਾ ਦਾ ਇਸਤੇਮਾਲ ਲਈ ਉਨ੍ਹਾਂ ਨੂੰ ਪੰਜ ਰੁਪਏ ਭੁਗਤਾਨ ਕਰਨਾ ਹੋਵੇਗਾ।

ਉਨ੍ਹਾਂ ਨੇ ਦੱਸਿਆ, ‘ਪੁਣੇ ਦੇ ਯਰਵਦਾ ਵਿੱਚ ਸਥਿਤ ਕੇਂਦਰੀ ਜੇਲ੍ਹ ‘ਚ ਇਸਨੂੰ ਪ੍ਰਾਯੋਗਿਕ ਆਧਾਰ ‘ਤੇ ਸ਼ੁਰੂ ਕੀਤਾ ਗਿਆ ਸੀ ਅਤੇ ਹੁਣ ਇਸਨੂੰ ਸਮੁੱਚੇ ਰਾਜ ਵਿੱਚ ਮਹਿਲਾ ਜੇਲ੍ਹਾਂ ਅਤੇ ਖੁੱਲੀ ਜੇਲ੍ਹਾਂ ਵਿੱਚ ਸ਼ੁਰੂ ਕੀਤਾ ਗਿਆ ਹੈ’। ਵੀਡੀਓ ਕਾਲਿੰਗ ਸਹੂਲਤ ਦੇ ਮਾਧਿਅਮ ਨਾਲ ਕੈਦੀ ਪੰਜੀਕ੍ਰਿਤ ਮੋਬਾਇਲ ਫੋਨ ਨੰਬਰਾਂ ਉੱਤੇ ਪੰਜ ਮਿੰਟ ਤੱਕ ਆਪਣੇ ਪਰਿਵਾਰ ਅਤੇ ਸਾਕ-ਸਬੰਧੀਆਂ ਨਾਲ ਗੱਲ ਕਰ ਸਕਦੇ ਹਨ।

Maharashtra Women Prisoners

ਅਧਿਕਾਰੀ ਨੇ ਦੱਸਿਆ ਕਿ ਵੀਡੀਓ ਕਾਲਿੰਗ ਸਹੂਲਤ ਲਈ ਸਮਾਰਟਫੋਨ ਦੇ ਇਸਤੇਮਾਲ ਨਾਲ ਕੈਦੀ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਲੋਕ ਆਹਮੋ-ਸਾਹਮਣੇ ਗੱਲ ਕਰ ਸਕਦੇ ਹਨ। ਇਸ ਸਮਾਰਟਫੋਨ ਨੂੰ ਕੈਦੀ ਕਲਿਆਣ ਕੋਸ਼ ਵੱਲੋ ਖਰੀਦਿਆ ਜਾਵੇਗਾ ਉਨ੍ਹਾਂ ਨੇ ਦੱਸਿਆ ਕਿ ਪੂਰੀ ਗੱਲਬਾਤ ਉੱਤੇ ਇੱਕ ਪੁਲਿਸ ਕਾਂਸਟੇਬਲ ਨਜ਼ਰ ਰੱਖੇਗਾ ਤਾਂ ਕਿ ਇਹ ਸੁਨਿਸਚਿਤ ਹੋ ਕਿ ਗੱਲਬਾਤ ਸਿਰਫ਼ ਪਰਵਾਰਿਕ ਮੁਦਿਆਂ ਤੇ ਹੀ ਗੱਲਬਾਤ ਕਰ ਸਕਦੇ ਹਨ। ਇਸ ਤੋਂ ਪਹਿਲਾਂ ਵਿਭਾਗ ਨੇ ਜੇਲ੍ਹ ਦੇ ਅੰਦਰ ਕੈਦੀਆਂ ਲਈ ਟੈਲੀਫੋਨ ਲਗਾਇਆ ਸੀ, ਜਿਸ ਵਿੱਚ ਸਿੱਕਾ ਪਾ ਕੇ ਉਹ ਆਪਣੇ ਪਰਿਵਾਰ ਦੇ ਮੈਬਰਾਂ ਨਾਲ ਗੱਲ ਕਰ ਸਕਦੇ ਸਨ। ਇਹ ਫੋਨ ਅਦਾਲਤ ਦੇ ਆਦੇਸ਼ ਉੱਤੇ ਲਗਾਏ ਗਏ ਸਨ, ਜਿਸਦੇ ਤਹਿਤ ਕੈਦੀ ਪੰਜ ਮਿੰਟ ਤੱਕ ਫੋਨ ਉੱਤੇ ਗੱਲ ਕਰ ਸਕਦੇ ਸਨ।

Maharashtra Women Prisoners