New Zealand immigration ਔਕਲੈਂਡ : ਅੱਜਕਲ੍ਹ ਦੇ ਨੌਜਵਾਨ ‘ਚ ਵਿਦੇਸ਼ਾਂ ਵਿੱਚ ਜਾ ਕੇ ਪੜ੍ਹਾਈ ਅਤੇ ਰੋਜ਼ਗਾਰ ਕਰਨ ਦਾ ਰੁਝਾਨ ਵੱਧ ਗਿਆ ਹੈ।ਜੋ ਵੀ ਵਿਦਿਆਰਥੀ ਜਾਂ ਵਿਅਕਤੀ ਨਿਊਜ਼ੀਲੈਂਡ ਜਾਣ ਦੇ ਚਾਹਵਾਨ ਹਨ ਉਹ ਇਹ ਖ਼ਬਰ ਵੱਲ ਜਰੂਰ ਧਿਆਨ ਦੇਣ, ਦੱਸ ਦੇਈਏ ਕਿ ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਨੇ ਉਨ੍ਹਾਂ ਸਾਰਿਆਂ ਬਿਨੈਕਾਰਾਂ ਨੂੰ ਸੂਚਿਤ ਕੀਤਾ ਹੈ ਕਿ ਜੋ ਅਸਥਾਈ ਤੌਰ ‘ਤੇ ਇਥੇ ਆਉਣ ਲਈ ਆਪਣੇ ਵੀਜ਼ਾ ਅਰਜੀਆਂ ਦਾਖਲ ਕਰਦੇ ਹਨ

New Zealand immigration

ਉਹ ਇਨ੍ਹਾਂ ਅਰਜ਼ੀਆਂ ਦੇ ਨਾਲ ਸਬੰਧਿਤ ਸਾਰੇ ਦਸਤਾਵੇਜ਼ ਇੰਗਲਿਸ਼ ਤਰਜ਼ਮਾ (ਟਰਾਂਸਲਿਟਰੇਸ਼ਨ) ਕਰਵਾ ਕੇ ਹੀ ਭੇਜਣ ਤਾਂ ਜੋ ਵੀਜ਼ਾ ਕਾਰਵਾਈ ਦੇ ਵਿਚ ਦੇਰੀ ਨਾ ਹੋ ਸਕੇ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਨਿਊਜ਼ੀਲੈਂਡ ਇਮੀਗ੍ਰੇਸ਼ਨ ਇਹ ਕੰਮ ਨਹੀਂ ਕਰਦੇ। ਇਹ ਦਸਤਾਵੇਜ਼ ਹਰ ਕੋਈ ਅਨੁਵਾਦ ਨਹੀਂ ਕਰ ਸਕਦਾ ਇਸ ਵਾਸਤੇ ਵੀ ਕੁਝ ਨਿਯਮ ਰੱਖੇ ਗਏ ਹਨ। ਭਾਵ ਸਾਰੇ ਦਸਤਾਵੇਜ਼ ਇੰਗਲਿਸ਼ ‘ਚ ਹੀ ਭੇਜਣ।

ਨਾਲ ਹੀ ਇਮੀਗ੍ਰੇਸ਼ਨ ਵਿਭਾਗ ਜਿਨ੍ਹਾਂ ਲੋਕਾਂ ਦੀ ਟ੍ਰਾਂਸਲੇਸ਼ਨ ਨੂੰ ਮੰਜੂਰ ਕਰਦਾ ਉਹ ‘ਦਾ ਟ੍ਰਾਂਸਲੇਸ਼ਨ ਸਰਵਿਸ ਆਫ ਦਾ ਡਿਪਾਰਟਮੈਂਟ ਆਫ ਇੰਟਰਨਲ ਅਫੇਅਰਜ਼ ਨਿਊਜ਼ੀਲੈਂਡ’ ਜਾਂ ਕਮਿਊਨਿਟੀ ਦੇ ਵਿਚ ਉਹ ਜ਼ਿੰਮੇਵਾਰ ਲੋਕ ਜਿਨ੍ਹਾਂ ਨੂੰ ਸਹੀ ਤਰਜ਼ਮਾ ਕਰਨ ਲਈ ਜਾਣਿਆ ਜਾਂਦਾ ਹੋਵੇ। ਦੱਸ ਦੇਈਏ ਕਿ ਇਸ ਤੋਂ ਇਲਾਵਾ ਉਸ ਦੇਸ਼ ਦੇ ਹਾਈ ਕਮਿਸ਼ਨ ਦਫਤਰ ਵੱਲੋਂ ਅਜਿਹੇ ਅਨੁਵਾਦਿਤ ਦਸਤਾਵੇਜ਼ ਤਸਦੀਕ ਭਾਵ ਅਟੈਸਟਿੱਡ ਕੀਤੇ ਹੋਣ ਅਤੇ ਮੋਹਰ ਲੱਗੀ ਹੋਵੇ ਜਾਂ ਫਿਰ ਪ੍ਰਾਈਵੇਟ ਅਤੇ ਆਫੀਸ਼ੀਅਲ ਟ੍ਰਾਂਸਲੇਸ਼ਨ ਕਾਰੋਬਾਰ ਕਰਦੇ ਅਦਾਰੇ ਹੋਣ ਅਤੇ ਬਿਨੈਕਾਰ ਦਾ ਕੋਈ ਪਰਿਵਾਰਕ ਮੈਂਬਰ ਜਾਂ ਇਮੀਗ੍ਰੇਸ਼ਨ ਸਲਾਹਕਾਰ ਅਜਿਹੀ ਟ੍ਰਾਂਸਲੇਸ਼ਨ ਨਹੀਂ ਕਰ ਸਕਦਾ।

ਸਾਰੇ ਪੁਲਿਸ ਅਤੇ ਮੈਡੀਕਲ ਸਰਟੀਫਿਕੇਟ ਸਿਰਫ ਤੇ ਸਿਰਫ ਇੰਗਲਿਸ਼ ਵਿਚ ਹੀ ਮੰਜੂਰ ਕੀਤੇ ਜਾਣਗੇ। ਆਉਣ ਵਾਲੇ ਸਮੇਂ ਵਿਚ ਇਸ ਨੂੰ ਇਕ ਜਰੂਰੀ ਸ਼ਰਤ ਹੀ ਬਣਾ ਲਿਆ ਜਾਵੇਗਾ ਕਿ ਕੋਈ ਵੀ ਕਾਗਜ਼ਾਤ ਇੰਗਲਿਸ਼ ਦੇ ਤਰਜ਼ਮੇ ਤੋਂ ਬਿਨਾਂ ਦਾਖਲ ਨਹੀਂ ਕੀਤਾ ਜਾ ਸਕੇਗਾ। ਭਾਵ ਹੁਣ ਜੋ ਵੀ ਬਿਨੈਕਾਰ ਆਪਣੀਆਂ ਫਾਈਲ ਲਗਾਉਣਾ ਚਾਉਂਦਾ ਹੈ ਉਹ ਸਾਰੇ ਦਸਤਾਵੇਜ਼ ਇੰਗਲਿਸ਼ ਭਾਸ਼ਾ ਵਿੱਚ ਹੀ ਹੋਣ ਇਸ ਨਾਲ ਤੁਹਾਡੇ ਵੀਜ਼ੇ ਨੂੰ ਸਮਾਂ ਘੱਟ ਲੱਗੇਗਾ।