Shweta Basu: ਈਸ਼ਾ ਅੰਬਾਨੀ ਅਤੇ ਕਪਿਲ ਸ਼ਰਮਾ ਤੋਂ ਬਾਅਦ ਹੁਣ ਇੱਕ ਹੋਰ ਟੀਵੀ ਅਦਾਕਾਰਾ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੀ ਹੈ। ਸ਼ਵੇਤਾ ਬਸੁ ਨੇ ਆਪਣੇ ਲਾਂਗ ਟਾਈਮ ਬੁਆਏਫ੍ਰੈਂਡ ਰੋਹਿਤ ਮਿੱਤਲ ਦੇ ਨਾਲ ਮਤਲਬ ਕਿ 13 ਦਸੰਬਰ ਨੂੰ ਸੱਤ ਫੇਰੇ ਲਏ। ਬੁੱਧਵਾਰ ਨੂੰ ਸ਼ਵੇਤਾ ਦੇ ਮਹਿੰਦੀ ਅਤੇ ਸੰਗੀਤ ਦੀਆਂ ਰਸਮਾਂ ਬਹੁਤ ਹੀ ਧੂਮ – ਧਾਮ ਨਾਲ ਮਨਾਈਆਂ ਗਈਆਂ। ਸ਼ਵੇਤਾ ਦੀ ਮਹਿੰਦੀ ਅਤੇ ਸੰਗੀਤ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਆ ਗਈਆਂ ਹਨ।

ਇਹਨਾਂ ਤਸਵੀਰਾਂ ਵਿੱਚ ਸ਼ਵੇਤਾ ਲਾਲ ਰੰਗ  ਦੇ ਲਹਿੰਗੇ ਵਿੱਚ ਨਜ਼ਰ ਆ ਰਹੀ ਹੈ। ਉੱਥੇ ਹੀ ਸੰਗੀਤ ਦੇ ਮੌਕੇ ਉੱਤੇ ਸ਼ਵੇਤਾ ਨੇ ਸ਼ਿਮਰੀ ਗਾਊਨ ਪਾਇਆ। ਸ਼ਵੇਤਾ ਦੇ ਨਾਲ ਉਨ੍ਹਾਂ ਦੇ ਮੰਗੇਤਰ ਰੋਹਿਤ ਵੀ ਨਜ਼ਰ ਆਏ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਇਸ ਕਪਲ ਦਾ ਵਿਆਹ ਪੂਨੇ ਦੇ ਗਰੈਂਡ ਹਯਾਤ ਹੋਟਲ ਵਿੱਚ ਹੋਇਆ।

ਵਿਆਹ ਵਿੱਚ ਘਰ ਦੇ ਲੋਕ ਅਤੇ ਕੁੱਝ ਖਾਸ ਦੋਸਤ ਹੀ ਸ਼ਾਮਿਲ ਹੋਏ ਸਨ। ਸ਼ਵੇਤਾ ਅਤੇ ਰੋਹਿਤ ਇੱਕ – ਦੂਜੇ ਨੂੰ 4 ਸਾਲ ਤੋਂ ਡੇਟ ਕਰ ਰਹੇ ਸਨ। ਇਨ੍ਹਾਂ ਦੋਨਾਂ ਦੀ ਮੁਲਾਕਾਤ ਅਨੁਰਾਗ ਕਸ਼ਿਅਪ ਨੇ ਕਰਵਾਈ ਸੀ। ਇਹ ਵਿਆਹ ਮਾਰਵਾੜੀ ਅਤੇ ਬੰਗਾਲੀ ਰੀਤੀ – ਰਿਵਾਜ ਨਾਲ ਹੋਇਆ। ਸ਼ਵੇਤਾ ਅਤੇ ਰੋਹਿਤ ਬੀਤੇ 2 ਸਾਲ ਤੋਂ ਲਿਵ – ਇਨ ਰਿਲੇਸ਼ਨਸ਼ਿਪ ਵਿੱਚ ਸਨ, ਜਿਸ ਤੋਂ ਬਾਅਦ ਦੋਨਾਂ ਨੇ ਇਸ ਸਾਲ ਜੂਨ ਵਿੱਚ ਮੰਗਣੀ ਕਰ ਲਈ ਸੀ।

ਪਿਛਲੇ ਦਿਨ੍ਹੀਂ ਸ਼ਵੇਤਾ ਮੰਗੇਤਰ ਰੋਹਿਤ ਦੇ ਨਾਲ ਬੈਚਲਰ ਪਾਰਟੀ ਸੈਲੀਬਰੇਟ ਕਰਨ ਬਾਲੀ ਗਈ ਸੀ। ਰੋਹਿਤ ਪੇਸ਼ੇ ਤੋਂ ਫਿਲਮ ਮੇਕਰ ਹਨ। ਉੱਥੇ ਹੀ ਸ਼ਵੇਤਾ ਟੀਵੀ ਸੀਰੀਅਲ ਤੋਂ ਇਲਾਵਾ ਫਿਲਮ ਬਦਰੀਨਾਥ ਕੀ ਦੁਲਹਨੀਆ ਵਿੱਚ ਨਜ਼ਰ ਆ ਚੁੱਕੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸਟਾਰ ਪਲਸ ਦੇ ਸ਼ੋਅ ਚੰਦਰ ਨੰਦਿਨੀ ਵਿੱਚ ਲੀਡ ਰੋਲ ਨਿਭਾਇਆ ਸੀ। ਸ਼ਵੇਤਾ ਨੇ ਬਤੋਰ ਚਾਇਲਡ ਆਰਟਿਸਟ ਸਾਲ 2002 ਵਿੱਚ ਮੱਕੜੀ ਫਿਲਮ ਤੋਂ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। 

ਇਸ ਤੋਂ ਬਾਅਦ ਉਹ ਕਈ ਫਿਲਮਾਂ ਵਿੱਚ ਨਜ਼ਰ ਆਈ ਜਿਨ੍ਹਾਂ ਵਿੱਚ ਇਕਬਾਲ, ਵਾਹ !  ਲਾਇਫ ਹੋ ਤੋ ਐਸੀ ਅਤੇ ਡਰਨਾ ਜਰੂਰੀ ਹੈ ਸ਼ਾਮਿਲ ਹਨ। ਸ਼ਵੇਤਾ ਬਾਲੀਵੁਡ ਤੋਂ ਇਲਾਵਾ ਸਾਊਥ ਫਿਲਮਾਂ ਦਾ ਨਾਮੀ ਚਿਹਰਾ ਹੈ। ਬਾਲੀਵੁਡ ਅਤੇ ਸਾਊਥ ਦੇ ਸਾਰੇ ਹੀ ਸਿਤਾਰੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ।